Ensemble SonnAiér
I musizisć dl ensemble “SonnAiér” é nasciüs y chersciüs sö te Südtirol y s’à spezialisé tla musiga antica foradecà. Ai s’incunta y se presënta regolarmënter cun conzerć y esperiënzes musicales interatives te Südtirol. L’ensemble sona cun stromënć storics barocs.

André Schuen
Le baritonn Andrè Schuen vëgn da na familia musicala da La Val. Al à studié tl’université Mozarteum a Salzburg cun le prof. Horiana Branisteanu y lied y oratorium cun le prof. Wolfgang Holzmair. Tl ann 2009 àl davagné n pest dl’academia da d’isté internazionala dl’université Mozarteum de Salzburg y implü àl ciafè le pröm pest dl concurs de ćiantè dla fondaziun Walter y Charlotte Hamel. Tl 2010 à Andrè Schuen passè cun onoranza i ejams por le diplom te opera y lied y oratorium tl Mozarteum y à ciafè le pest Hanna-Ludwig y la medaia Lilli-Lehmann.